تشاراك المسكر

🌹موقع مجلة كواليس اعداد زهراء 🌹

هاذي الوصفة إذا جربتوها مراحش تندمو عليها بنة زمان وريحة الماء الزهر شكون ميحبش هاذ البنة راح نعطيكم السر تاعو لي يخليه يجي مبسس و تانيت يتفتت ويذوب في الفم 💙.

#الوصفة :

🔵 3 كيلات فرينة الي هي 1 كغ أنا نقيس بالطبسي تاع الشربة الصغير يكون بومبي شوية فقط + كيلة سمن ذايب وبارد حوالي 400 غ شوية نفيضوه بالزيت + نصف صاشي خميرة الحلوى أي 5 غ + 3 صفار بيض أي كل كيلة أو كل 350 غ فرينة يلزمها صفار بيضة +2 ملاعق كبار سكر ناعم + فانيليا + قرصة ملح + كيلة أي الطبسي لي قسنا بيه يكون فيه حليب + ماء الزهر و هاذاك الصفار اللي ذكرتو نخلطوه مع السوائل و نطمو العجينة تاعنا.
🔵 بعدما نخلوها تريح نوجدو الحشو : 600 غ لوز أو كوكاو + 200 غ سكر + مبشور قشور الليمون + فانيليا و نطمو كلش بالبيض لي حتى تنطم الحشوة نوزنوها 20 غ للحبة و العجين 32 غ.
🔵 بعد تشكيل الحبات نحطوهم يطيبو من تحت ومن فوق شوية فقط.
🔵 بالنسبة للتسكار راح نمدلكم طريقتي نوجدو ماء الزهر + ماء + 2 ملاعق سكر ناعم + ملعقة كبيرة فرينة و نغطسو بالمجموعة يعني لي نكونو راح نسكروها و بعدها نحوهم و نخلوهم دقائق يقطرو شوية فوق ورق الماص.
نجيبو بول يكون عريض نديرو فالقاعدة شوية سكر و نستفو الحبات تاعنا بعدها نسيرو السكر من فوق حتى يتغطاو و بعد 5 دقائق راح تلقاوهم تسكرو ونحو فقط الزائد و في الاخير بالصفاية ذرذرو القليل من السكر فوقهم .