سحر العينين

بقلم الشاعرة سناء زين معتوق

عسحر عينيكي الشمس بتلالي
ومن قلب الحِلم بتغزل حكايات
فِرسان رموشِك بتِغمز قبالي
صهوة خيولْها دفا الغيمات
رجفة قلبي لَروحك مرسالي
يا وردة ….
غارت من حَلاها الوردات
اشنقيني بجدايل دَهب غالي
.شو حلو الموت منك بهالخصلات
حُبك يا عمري مالي وراس مالي
قمري بالسما .وعالأرض
إنتِ سِت البنات
حَلّي بروحك مُر حالي
تيفنى العُمر وتخلص هالحَياة