#عن الزلزال وتبعاتوا

هيك دج 👍 #محكيّة

لأحمد علي الحسيني
من دمشق / سورية 🇸🇾

امبارح بنص الليل
هزت هالدني
لا لا
قبل صلاة الصبح
صار زلزال
وين بتركيا
حقيقة مو خيال
وصار يا سيدي
ارتدادات وهزات
ببلادنا سورية العربية
أي أي سورية 🇸🇾
قلب العروبة النابض
وخربت بيوت
وتدمرت مباني
وتشققت طرقات
ومات اللي خالص عمروا
وانجرح يلي انجرح
وتضررت ماديات كتيرة
تشرددت عوائل
صارت بلا مأوى
وكل مالها القصة عم تقوى
وهون حطنا الجمّال
بدي احكي بصراحة
وبدون ماخبي الصراحة
والكل رح يتسمع
يرفض _يقبل _ مابيهم
الأهم نحط النقاط ع حروفا
والملح على الجرح بجوفا
لأن ياسادة وياكرام
رح نموت من الخوف
عم نسمع ونشوف
هاد بيحكي ، وهاد بيعرض
ع المكشوف
كل الدنيا ملبوكة
بالهزة وبعد الهزة
ما عدنا نعرف شو صار
واحد صفق/ واحد طار
هلق بيجينا هالدور
وشوي بيطلعلك شي تور
بيقلك اجت الهزة
ويمكن في بعدا وزة
مركز عم يبعت أخبار
ومركز عم يكشف شو صار
وضعنا من هون و لهون
وصرنا يا عمي نسأل
ايمتا بدنا نتوكل
هلق بتنشق الدكة
وبتغور الغرفة ببركة
هلق بينهد العمار
ومنصير فرجة وأخبار
نسيوا أنو في الله
ربك رحمن ورحيم
وعالم بللي بدو يصير
توكل ياعبدو الفقير
وخلي أمرك ع الله
وارجع صلي وتذكى
وادعي بلكي تتركى
حبلوا لربك دعوة عبد
تمسّك وتركوا الغفوة
كنا يا أمة بغفلة
وصحصحان بوقت الزلزال
لا تنسى شو قلتلك
ربك وحدوا اللي بيدلك
أقرب منوا مابيكون
هو ربك رب الكون
ارفع ايدك وادعيلوا
ولا تتلفت هون وهون
مكتوبك مافي مهروب
وقدرك ع جبينك مكتوب
توكل ع ربك يلا
ولا تنسى تشيل الغبرة
عن قلبك لو شي مرة
وصفي النيّة ياحباب
ولا تتوقف ورا الباب
رب السما فاتحلك
للدعوة كلها الأبواب
ولا تطلب من غيروا العون
ربك وحدوا رب الكون
ما رح يترك بلاد الشمس
سورية عم تهمس همس
ربك هو الحاميّكِ
بكرى وبعدوا وأول أمس
لا تخافي ولادك أبطال
رح نتحمل شو ما صار
ما بدنا نتسول دم
وما بدنا دعم ولا كم
الله بيتكفل فينا
وهو اللي عاطينا
عزة وكرام ولم
لمتنا بعروبتنا
والله بارك جمعتنا
خلصنا وما بدنا نعيد
ووضحنا كلش منريد
ال بيحبك بوقف جنبك
وغيروا هامش بالبريد
وغيروا هامش بالبريد .

2023/2/6