إلى علي النهري:

الضيعة ِالتي لا نعرِفـُها:
الاَّ بسمة ًعلى وجه ِالقمرِ
وسهرةً عند حدودِ الخيال ِ
ودالية ًمغروسةً في رحمِ الذكرياتِ
ومحدلةً للسّطوحِ الترابية ِ
وساحة ًللحبِّ ومسجداً قديما ًوشربينة َللعزّةِ والمحبَّة ِ …
وساقيا ًوساحوراً
ونهرا ً
يحكي قصصَ أهلها الاباة ِالميامينْ !

✍️ علي رفعت مهدي

ضيعتْنا مَفرَقْ ع النُّوْرْ
وع َ أسْحَارِكْ جنـِّتْـنا
بِدَوْزِنْ صوتو العصفور ْ
ع سقْسقْتِكْ ميّتنا
وبيكرج فيها الشُّحرور
تَيُكْرُب شحرورتنا
وفيها بتتمايل ل زْهُوْرْ
لتنَرْفِــــــــزْ صبيِّتنا
فيها السَّاحة والتَّنور
صاروا ذكرى بدمْعتنا
وفيها صيحة النَّاطور
خبيّناها بجرّتــــــنا

وفيها السَّاقي والسَّاحور
بيسقوا حَبَّـا وكرْمتنا
والنَّهر بيحكي للْحـُوْرْ
عن ملايك نبعتْـــنا

وقنديلا زيتو بخٌّـور

لسهرات سطيحتنا
ويا ما عمتكرج لِدْهور
وهيّي رمز محبّتنا
ما حدا عليها بيجور
اذا بقينا بغـــــــيرتْنا
أمُّورة وحدو أمُّوْرْ

أطفالا بجيرتْـنـــــــــا
علي النَّهري فيها قبور
أهل الأصل ونخوتنا
أجدادا عاشوا بسرور

وربُّونا من تُرْبتنا
ونِحْنا منلفّ ومِندور
ومنرجع ع ديـــرتنا
ومنقطع سما وبحور
ومنحملها بغربتّنــــا
ومنحلِّق متل لطيور
حتى نجاورْ غيمتنـــا
بركي ع مفرقها النُّوْرْ
بيغزِل توب معزّتنا
وبتسامحْ ماضي مقهورْ
والغُربِه عن ضيعتنا
إلكْ سلامي ومشكور
ربي إنِّكْ ….. بلدتنا ..

✍️ابن علي النهري علي رفعت كامل مهدي .
الجمعة : 11 / 5 / 2012 .

حيّ الكروم

حي البستان تحت الثلج

السّاحور

سِكر ضيعتي علي النهري

المطحنة القديمة وكسّارة الحجارة قديمًا