تارتولات الفواكه🥰❤️❤️

موقع كواليس اعداد زهراء 🌹

*العجينة :
125 غ زبدة
نصف كاس سكر ڨلاص
حبة بيض + صفار بيضة
رشة ملح
لافاني
م.ك زيت
رشة خميرة (اختيارية.)
فرينة نلمو بيها (250 غ تقريبا)
خلو لعجينة تبرد ففريجيدار ممبعد كي ديروهم فلي مول اثقبوهم بالفرشيطة و دخلوهم للكونجيلاتور سويعة هكاك ..
*لكريمة : (بما انو البيض غالي ستغنيت عليه تماما )
نص ليترا حليب
4 مغارف معمرين مليح سكر
4 مغارف معمرين مايزينة
نحركوهم مليح بارد في بارد ممبعد نديروهم فوق االنار و نبقاو نحركو حتى تعقد تماما نحيوها منار نديرولها مورصو زبدة نديرها فطبسي نغطيوها ب ساشي ولا اي عفسة نخلوها تبرد و ندخلوها ففريجيدار تبرد مليح ولا كونجيلاتور اذا كنتو مزروبين ؛
في جهة نحكمو نص كاس شونتي +نص كاس حليب نطلعوهم مليح منبعد نزيدولهم لكريمة و نخلطوهم مليح بالباتور
و نقسمو لكريمة تاعنا على حساب الاذواق
بالنسبة لي فراز درت لاغوم فريزة و بنان درت لاغوم بنان
و شوكولا درت مغيرفة صغيرة كاكاو + شوكولاطة للطلي ستعملت المرجان
خليتهم بردو مليح ففريجيدار ساعتين هكاك و بديت نعمر تع لبنان و شيكولة درتلهم لبنان ملتحت تمدلهم بنة ♥️
بالنسبة *لاجولي : درت فنجال ما + فنجال سكر خلطتهم مليح درتهم فوق النار حتى ذاب سكر و غلات شوية درت عصرة قارص ممبعد حكمت نص مغرف ص مايزينة ذوبتها في مغرف ص ماء و زدتها للخليط لول و بقيت غير نحرك حتى عقدتلي 5 د فوق نار تعقد ؛ (تحبو تخليوها هكاك بيضة ولا تزيدولها لي غوم لي تحبو تجي بزاف بنينة ) كي تبرد باش تستعملوها
بصحتكم ان شاء الله تكونو فهمتو مليح ♥️