مجلة كواليس www.kawalees.net مجلة كواليس www.kawalees.net
موقع كواليس اعداد زهراء 🌹
التحضير: بنضف القلقاس
تجيبى قطعة قماشة بيضاء نظيفة جدا وتخصصيها للقلقاس مخصوص
وتجيبى سكينة وتقشرى القلقاس عادى جدا وتقطعية وكل ماتقطعى شريحة تمسحيها وبعدين تقطعى مكعبات وبكدة هيكون قلقاس نضيف وزى الفل وطعمه زبدة ولا فى المواد الازقة اللى انتو عارفينها
بعدين بحضر السلق بتاعى بقطع حزمة السلق مع حزمة كسبرة وبحطهم على النار يخد غلوة عشان اعرف اضربهم فى الخلاط
وبعد كدة بحضر التقلية اللى هى 3 فصوص ثوم بدقهم فى الهون وعليهم بقطف ورق الحزمة الثانية من الكسبرة وبدقهم جدا
لطبخ: طبعا بتكونى عندك شوربة بس شوربة تكون شوربة مش اى كلام عشان القلقاس يطلع معاكى زبدة
باخد شوية شوربة فى حلة وبحط القلقاس عليها وطبعا بتكونى انتى حطة ملح من الاول فى الشوربة فمش هتحتاجى تحطى ملح
وبعدين بنضيف عصير السلق المضروب فى الخلاط
بنسيبهم بقى ياخدو غلوة واحنا كدة سايبن القلقاس يستوى
نروح محمرين التوم بالكسبرة اللى احنا دقنهم
نبص بقى على القلقاس هنلاقية اخد غلوة واستوى
نضيف بقى التقلية على القلقاس وتشمى احلى ريحة بقى وتدوقى احسن طعم
ويقدم
