كون نادر وما تشبه حدا

✍بقلم الشاعرة سينتيا سماحة   

كل إنسان عندو صفة بتميزو عن غيرو
إن كان ببيئته أو حياته و عائلته أو أسلوبه الخاص بليق فيه.
كلمة نادر هيي فعلا” نادرة بمقياسها اللغوي وتطبيقها على الذات.
كون نادر مش بمعنى الأنانية وشوفة الحال….
كون نادر بأسلوبك الأنيق
بمعاملتك القريبة للناس
بحبك الشفاف النابع من القلب
بإعطاء من دون تتردد أو تأسف
بضحكي مميزة مش مزيفي
كون نادر بإطلالتك الساحرة  تعبي محلك بوقت غيابك
كون نادر بتعليمك لأجيال تتعلم معنى الحياة بأخلاقياتها
كون نادر وقت الناس تعوزك وتكون حاكم مصلح ومحب
كون نادر وقت تكون أنتَ واقع بمصيبة ماتنزعج إذا ما كان حدا حدك وتعرف تعالج مشكلتك
كون نادر إذا  زعل شخص ما تتركو وتبرملو ظهرك لو كنت مزعوج من تصرفاته
كون نادر وما تشبه حدا غير نفسك غير حالك لبميزك عن باقي البشر
كون أنتَ وما تقلد غيرك وتخلي الغيرة تاكلك
بالنهاية كل شخص عندو شخصية مختلفة عن غيرو وهون اعمالك بتميزك بالأشياء النادرة لبتقوم فيها وبتكون نادر بأسلوبك الأنيق وما بتشبه غير روحك الطاهرة متل المراية بتشوف حالك فيها بنقاوتها وبريقها.
حب حالك….كون أنتَ…..كون نادر بتطبع الإنسانية بمجتمعك من خلال إنسانيتك