🥂مشوار🥂

✍بقلم الشاعرة سينتيا سماحة

يا ريتك بعتم الدّني بقيت
لا فتحّت عيونك ولا حكيت…
ما زال جيت عالدّني مشوار
ومش عارف حالك لشو جيت.
بروح وجسد جيت
بعمر مجروح
تَفيهن تعيش مع جروحي
لا بالجسد عشقت… ولا بالروح
لبعيد كنت تعرف تروح.
بقيت حلم خايف من الآمال
ناطر بشغل البال…يتحسّر
فَلّوالسنّين وما ارتاح البال
ولا الحلم كان يتفسّر.
بقيت قصيدة وما الا عنوان
يغفى القلم كلما تجي توعى
تنقل  بين اليأس والحرمان
بعجقة صور بالبال مجموعه
بفزع عليها تنقل الأحزان
بنهده شي إنّو تكون مسموعه
ومن خاطري يغتالها النسيان
وتبقى الوراق البيض موجوعه.