شو صار؟!

نيكول صدقة

وبيسألو شو صار؟! وشو اللي غيرّ عطر الكون اللي كان مكلل بالحب والوفا والايمان..
وبيسألو شو صار؟! شو اللي غيّر كل النّاس ؟… شو اللي فرّق الأصحاب؟… شو اللي هجّر الشباب؟… شو اللي فكّك العائلات؟… شو صار؟؟ لصوت الوجع هز الجبال؟.. شو صار لريحة الموت صارت واقفة ع كل دار ناطرا تقطف زهرة جديدة من رحم الحياة… وبيسألو شو صار.. صار الطمع عامي كتار واللي شبع من بعد جوع صار بيدعس ع كرامة الصغير والختيار… صارت القلوب مليانة بفوضى وفاضية من الحب، صارت بتبحث ع المجد الباطل والشهرة المزيفة… صارت المصلحة فوق كل اعتبار هي الأولوية… وصارت ال”أنا” هيي المهمة ومش مهم ال ”إنت” لا مين ولا شو بتحس… اللي صار انو دراج اللي كانت كلها نور عم تعتّم ع مهلا… والحب اللي كان مسيج القلوب صار سراب وبطل موجود والاهل اللي كانو أولوية والن قيمة صارو متل اللي قاعد عالرّف منستعملن للزينة …. شو مفكرين هيك مكفيين؟ ليش نسينا معادلة الحياة ؟ وكأنك نسيت شو بتزرع بتحصد؟؟ او نسيت انو انت مجرد زاير هون وشي يوم رح يخلص دورك وما رح تاخد معك من هالدني الا اعمالك… اتذكر منيح بوقتا عقارب الساعة بتبطل تدق ع بابك وما فيك ترجعا.. لان بهيديك اللحظة بتكون صرت خارج المعادلة.. ولو شو ما صار فكر انك بعدك قادر تختار ووحدك فيك تغير المسار..