فيروز.. اعذريني

د. نزار دندش

فيروز بالله اعذريني
هالوضع مطلّع ديني
بطّلْ المنادي ينادي
وكَلْنا هوا وزيادي
القطعان ال نزلوا بالوادي
جاعوا بدّن زوادي
والرعيان اللي سرقونا
طمعوا فينا بزيادي
سرقوا خبزات ولادي
وفضّوا غازي وبرّادي
حتى بتشكيل حكومي
ما منعرف مين نراضي
الاجرام متلّي الدنيا
ولا جندرما ولا قاضي
الحكيم ال بيداوينا
مدري بأيي أراضي
المسؤول ال كنا نحبو
صاير يحكي عالفاضي
المسؤول ال كنا نسبّوا
صرنا نسبّوا بزيادي
والدبّان ال ببلادي
عم يتكاتر بزيادي
ودولة صارت تعبانة
بدّا بويا وحدادي
كلّو بيظبط كلّو
ما حدا النا فاضي
دخلك يا ربي شيلن
شيل العار من بلادي
بحياة عيسى وموسى
بحق الحبيب الهادي
صرنا بالون مهلهل
ما منحمل بعد زيادي