شويه حاجات اوعي تعمليها وانتي بتطبخى 🧑‍🍳

إعداد: زهراء🌹

🍭اوعى تغسلي الخضرة بعد ماتقطعيها لانها هتفقد نص الفيتامينات اللي جواها اغسليها الأول وبعدين قطعيها

🍭اوعي تطبخي الخضار في شوربة أو ماية كتير خلي الكمية مناسبة لكمية الخضار عشان تحتفظي بفوائدها

🍭اوعى تغطي الحلة كلها وانتي بتطبخي لأن الخضار هيتاكسد ويغمق لونة

🍭اوعى تطبخي الخضار مع اللحمة عشان مستعجلة اسلقي اللحمة الأول وبعدين حطي الخضار عشان سوي اللحمة بيكون وقته اطول
او شوحي اللحمه الاول لحد ما تستوي وبعدين حطي الخضار

🍭اوعى تحطي الملح في الأول وانتي بتطبخي مش هيستوي الخضار بسرعة حطيه لما يقرب يستوي عشان الطبخة تخلص بسرعة

🍭اوعى تطبخي الخضار مده كبيرة عالنار خلي تسويته مظبوطه عشان تحتفظي بفوائده

🍭اوعى تقطعي الفواكه أو الخضار قطع صغيرة لأن الفوائد بتاعتها هتقل قطعيها بحجم كبير هتبقى مفيدة للصحة والاسنان

🍭اوعى وانتي بتطبخي خضار مجمد تحطيه في الحلة على النار على طول لازم تحطيه في التلاجة شوية عشان ثلجه يذوب كده هتحافظي علي قيمة الغذائية اكتر

🍭اوعي تحطي ملح علي السلطة قبل الأكل بفترة كبيرة لأنه هيخلي الخضار يذبل وينزل مايتة حطية قبل الأكل علطول

🍭اوعي وانتي بتطبخي البامية أو الفاصوليا الخضراء توطي النار خليها علي نار عاليه في الأول تغلي غلوتين وبعدين وطي النار عشان متسودش

🍭اوعي تنسي وانتي بتطبخي البامية تعصري نص لمونه عشان متتفتحش وتفضل ماسكه نفسها 👌