ما بين الدمعة والعين.. 

بقلم: ريف سليمان

أوقات بتنزل دمعة من ولا شي و من دون سبب…
يمكن من ضغط و يمكن من كلمة و يمكن من حرقة قلب…
او لأنك شفت حدا مش… اكتر حدا جرحك او ترك أثر
اثر منيح او اثر قبيح ما بهم المهم انك بس حسيت…
يمكن تنزل الدمعة لأنك تعبت و فقت اليوم و قررت انه بدك تستسلم و ما تكون محارب متل كل يوم…
قررت تقعد و تتفرج مش بحالة تأهّب…
و اوقات من كتر القوة بْتِنهَدّ و بتخذلك الدمعة و بتنزل
لانه الدموع مخلوقات فضولية بتنزل لتتجسس و تتفرج و تشوف شو صاير كل مرة بتكون فيها مبسوط و موجوع…
في علاقة بين الدمعة و الكبرياء مخفية…
الدمعة هي كلمة بس بتطلع من العين مش من التم…
هي الكلمة اللي ما فيك تقولا…بس فيك تحسا…
الدمعة قوة… ياما بتجفّ و عندا عزة نفس…و سحر
بس تنزل بتقويك او لتكسر شي فيك
و أحيانا الدمعة بتنزل من القلب مش من العين 💦
ريف سليمان