وَفَا وتحْنَان

د. وجدي صادق

مرّة سبقت الليل عَـ الشاطي
ويمكن بهالمشوار مش خاطي
قلّلي البحر شو هَيْأتك فزعان
شو باك عَـ رمل اليأس لاطي
شو باك من أيّا دني هربان
تَـ جيت تمرق من تحت باطِي
خليك عني بعيد يا إنسان
أفضل ألك من لهبة سياطِي
قلتلّو : تأنّىٰ على الفنان
وخليك مع قلبي ديمقراطي
يا بحر مش شايف أنا حيران
ومن كتر همّي زاد أحباطِي
كنت بربيعي سابق الغزلان
وصوت السبع يسكت من عياطِي
وعَ الباب ينطرني قمر نيسان
يخيّط ألي سبحان هالعاطِي
تشرين عمري غير العدّان
أنكسرت الأبرة ومات خياطِي
تركْنِي بحقك ما كنت غلطان
ولا جيْت صحّح فيك اغلاطِي
يا بحر لَوْ عندك وفا وتحنان
وبتحب أهل الشعر عَـ شواطيك
تركنِي بعد يومين عَ الشاطي