النائب الكذاب زياد حوَّاط

بقلم علي خيرالله شريف

ما في مرة بيطلع عالإعلام النائب زياد حواط، إلا بيتحف المشاهدين والمستمعين بحفلة أكاذيب، آخرها شهادة الزور تبعو إنو مدارس المهدي بتعلم تلاميذها النشيد الوطني الإيراني.
بدايةً بدي قول إنو هيدا الكذاب ما بعمرو زار مدارس المهدي ولا بعمرو سمع تلاميذها عم ينشدوا النشيد الوطني الإيراني أو أي نشيد آخر. ولا بعمرو اطلع عا مناهجها أو التقى بحدا من مديريها أو معلمينها أو المسؤولين عنها. فقط عم يحكي انطلاقاً من الحقد يلي معبي راسوا وقلبو، وانطلاقاً من البروباغندا يلي مكلفتو فيها الجهات المعروفة واللي منها أعداء لبنان من الجنوب إلى الشرق إلى قراصنة ما وراء البحار.

تاني شي بدي خبركم إني تشرفت بإدارة إحدى مدارس المهدي لمدة سبع سنوات، صدِّقوني ما بعرف حرف من النشيد الوطني الإيراني. وكنا نحفِّظ التلاميذ النشيد الوطني اللبناني ونقراه نحنا وياهم صباح كل اثنين في الملعب قبل الدخول إلى الصفوف. وكانوا التلاميذ كمان يقرأوا كل صباح دعاء الإمام المهدي، وهيدا الدعاء ما بيتناقض مع الولاء للوطن، وبيقراه كل شيعة الكرة الأرضية في كل دول العالم مع نشيدهم الوطني. وكنا بمدارس المهدي نعلِّم التلاميذ(وما زالوا بيعلموهم) كيف بيضحوا من أجل الوطن تا يحموه من كل عدو عم يتربص فيه. وعنا بعقيدتنا، يلي بدو يغيرها زياد حواط واللي محيطين فيه، الدفاع عن الوطن جهاد في سبيل الله.
وهيك طلعوا تلاميذنا عندهم ولاء للوطن بنسبة عالية جداً أعلى من أمثال زياد حواط، لدرجة سقط كتير منهم شهداء بالدفاع عنو، بالوقت لي أمثال هيدا النائب المسخرة كانوا وما زالو بيعتقدوا إنو الولاء للوطن بيكون بس بالدبكة وهزة الخصر والخضوع لأعداء الوطن والطوبزة للي بيدفع أكتر طال عمرو…

لو بيعملوا للمرشح عالانتخابات النيابية فحص بالكرامة الوطنية كان زياد حواط سقط وما كان قدر ترشح لعضوية مجلس النواب، أد ما صار معتدي عا كرامة قسم كبير جداً من المواطنين اللبنانيين يلي صنعوا للوطن كرامة.

كيف هيك نائب بيسمح لنفسو يكذب ويقول انو مدارس المهدي بتعلم طلابها النشيد الوطني الإيراني؟
بتحداه يلاقي تلميذ من هالمدارس أو معلم أو إداري، حافظ كلمة من النشيد الوطني الإيراني. من وين جاب هالكذبة، ما بعرف؟

بتحداك يا نائب البلطجة والكذب، تخبرنا أي نشيد وطني بيعلموه لطلابهم المدارس اللبنانية الخاصة يلي بفكرك منها والمدارس الإرسالية يلي عم تعلم عشرات الآلاف من الطلاب اللبنانيين.
وأكتر من هيك، بتحداك تتجرأ تنتقدهم، وبتحدى دولتك تبعت تفتيش عليهم تا تشوف شو عم يعلموا تلاميذهم.

بيكفي كذب ونفاق وفتنة وشهادات زور،
بيكفي حقن كراهية وتشويه سمعة الناس وتحريض عالحرب الأهلية.

إسمع يا حواط،
إنت ومعلمينك ما بتقبلوا وجود دين آخر حدكم أو أفكار غير أفكاركم، وهيدا دليل عنصريتكم وإنكم نازيين متلبننين، وما بعمركم دافعتوا عن لبنان كوطن، وإنتو ما عملتوا الا حروب اهلية وسميتوها مقا_ومة دفاعا عن الأشرفية أو عن عين الرمانة أو عن بكفيا أو غيرها… بينما نحنا مقا_ومتنا كانت وما زالت عم تدافع عن لبنان بكل مواطنيه وطوائفو ومعابدو ومعتقداتو، وما بعمرنا هاجمنا أفكار غيرنا أو معتقداتهم، لأن ربنا بيقول “لا إكراه في الدين”.
إسمع يا حواط
الشهدا يلي عم يسقطوا منا مش منكم، والدمار بمناطقنا مش بمناطقكم، والمجازر فينا مش فيكم، وانتو اشتركتوا فيها واستقويتوا بالعدو علينا. ونحنا شايفين إنو بيئتكم أشرف منكم، ولازم بقا يكشفوكم عا حقيقتكم، حتى يعرفوا ينتخبوا غيركم يكونوا جديرين يتعاونوا مع إخوتهم لبناء وطن للجميع، مش لأصنام متل ومتل معلمينك.

هيدي البكبكة الكذابية وفرها لأميركا انت ووزرا السوء تبعك، ودموع التماسيح تبعكم خدوها لأولياء العهد وجماعة الشحاطة بإصبع، بركي بيرشوا عليكم شوية ريالات.
واوعا تنسوا تضلوا مطوبزين لأنهم رح يجوا لعندكم هرولة، ورح يدفعولكم كش من الأموال يلي سارقينها من شعوبهم….

حتى مزابل التاريخ صارت أنظف منك ومن أمثالك يا حواط، ومهما لبست طقومة signés… مهما رشرشت من عطورات importés، ومهما ربطت رقبتك بربطات عنق très serrées…
بزيادة عا رقبتك هلقد يا نائب الكذب والبلطجة.

الأحد ٢٦ تموز ٢٠٢٦
https://www.facebook.com/share/p/1ETWALd5aT/