كيك

إعداد: زهراء🌷

المقادير

٧او ثمان حبات بسكوت دايجستف مكسر صغار
اضفت له نص ظرف كريم كراميل +ملعقة سكر بني سيس للحلويات. <<<تقدرين تكتفين بالسكر الابيض لكن هالسكر هذا بالذات يعطي عمق للطعم ولذيذ ورطب. اضفت تقريبا نص ملعقة قرفه وسط. حطيت رشه محترمه ماقستها للامانه. 🙂
اضيف لهم ربع اصبع زبده. ونقلبهم على النار. حتى يتحمص البسكوت ويتغير لونه. تقليب مستمر بنات علشان لايحترق. -نخليهم على صوب. ونبدا نعمل الكيكه اخفق بيضتين بالمضرب السلك. مع ثلاثة ارباع سكر ورشة فانيلا. نخفقهم قليلا حتى ينفش الخليط. ويتغير اللون.
اضيف لهم علبة زبادي بحرارة الغرفه اضيف لهم نص كوب زيت واحرك المكونات
اضيف لهم ربع كوب جوز هند +كوب دقيق كويتي+ملعقه كبيره ومومليانه. بيكنج باودر ..نحرك الخليط شوي حتى يتجانس. ونصبه في صينيه مدهونه ونرش خليط البسكوت فوقه . وندخله فرن من تحت مسبق التشغيل. على درجة ١٨٠. حتى الاستواء تماما. نكتفي بالاستواء ولا نحمرها من فوق ماله داعي. نطلع الكيكه. ونسوي الصوص كالتالي
في الخلاط.. ثلاث او اربع حبات جبن كيري
نص ظرف دريم ويب نص علبة نستله
نخلطهم ونصبهم فوق الكيكه ونخطط بالتوفي. وصحتين وهنا. كيكه لذيذه وسهله 🍃🕊💘 ملاحظه
في القياس تم استخدام الكوب المعياري. الملاعق المستخدمه ملاعق الاكل العاديه
_فيكم تستنغنون عن جوز الهند للي مايحبه. وتكتفون بكوب دقيق. واذا حبيتوا تزيدون ربع كوب دقيق زياده مايضر