مجلة كواليس www.kawalees.net مجلة كواليس www.kawalees.net
علي خيرالله شريف
وينو قرار الحرب والسلم دخلكن؟
بيد الحكومة اللبنانية؟
كيف يعني بيدها قرار الحرب والسلم؟
يعني اذا نتنياهو ضرب لبنان
الحكومة شو بتاخد قرار ؟
قرار حرب للتصدي للعدوان مثلاً؟
طيب ورجونا أيمتى أخدت هيك قرار؟
أو بتاخد قرار السلم؟
كيف بيكون قرار السلم؟
إنو لما يضربنا العدو تدفن راسا بالرمل؟
أو يطلع رئيس الجمهورية يكرر دعوتو للتفاوض مع إسرائيل، وإسرائيل مطنشتو ومش سائلة عنو؟
أو إنو يطلع رئيس الحكومة بمؤتمر “الذكاء الاصطناعي” يحكينا عن الحضن العربي وعن حصرية السلاح بيد الدولة
وما يحكي ولا كلمة عن الذكاء الاصطناعي؟
بصراحة يا جماعة هالطقم لي حاكم البلد بيشبه كتير الاصطناعي بس ما بيشبه أبداً الذكاء..
الله يرحمك يا ثريا…
قال قرار الحرب والسلم قال…
وبيرفع إصبعو كمان…
علي خيرالله شريف
الجمعة ٧ تشرين الثاني ٢٠٢٥
