المندي زي اشهر المطاعم 😋👌

المقادير 👇👇

دجاجة كاملة أو أوراك
أرز بسمتي
بصلية
طماطمية
ربع كوب زيت
عصير ليمونة
ملح وفلفل اسود وجنزبيل
كاري وكركم و بهارات مندي أو بهارات فراخ
بابريكا وحبهان وورق لورا مطحون وزعفران
البهارات الحصان👇👇
عودين قرفة خشب – ورق لورا -حبهان- قرنفل -فلفل اسود حصا-فلفل حامي

طريقة التحضير 👇 👇
في دورق الخلاط نحط البصل والطماطم ونضربهم كويس وبعدين نصفيهم وناخد المياه بس من غير تفل البصل ونضيف عليها البهارات والزيت وعصير الليمون وأحط الدجاج المغسولة او الارواك زي ما تحبي واقلبها كويس مع التتيبلة واسيبها فيها حوالي ساعتين او ليلة كاملة
وبعد كده طاسة علي النار واشوح فيها البهارات الحصا لما رائحتها تظهر واخد البهارات ده واحطها في صينية وتلات اكواب ارز بسمتي مغسول ومش منقوع واضيف عليه تلات معالق ك زيت والملح ولكل كوبية أرز كوب ونص مياه دافئة واقلبهم مع الارز واجيب شبكة علي قد الصينية وارص عليها الدجاج واقفلها الاول بورق زبدة وبعد كده ورق فويل واقفلها كويس اووي اووي بورق الفويل وادخلها فرن ساخن علي درجة حرارة 200 لمدة ساعة ونص وأطفي عليها وبعد كده اشيل من عليها ورق الفويل واشغل عليها الشواية علشان الفراخ تاخد لون وبس كده طعمها يجنننن 😋 الدجاج مستوي والأرز مفلفل ومش معجن وتقديمها مع سلطة الدقوس والف هنا 💕💞