قالت-ستي

قالت-ستي
البخيل متل الكديش
بيحمل ذهب وبياكل حشيش

قالت-ستي.
خايف هزك يا غربالي
يوقع منك كل عزيز وغالي

قالت ستي..
اللي بيعاتب الرخيص
بيرخص

قالت- ستي
اللي بقلبي علساني
واللي مش عاجبو ينساني

قالت-ستي
مش كل ورد خلق للشم
ولا كل البشر بتنفدى بالدم

قالت -ستي
لا تضرب وتغمق الجرح
مابعد العداوة إلا الصلح

قالت -ستي
ناموا عندي ليلة
فكرو حالهم من العيلة

قالت-ستي
بنت الأصل
بتخلي كوخها قصر

قالت-ستي
الله يخلينا بعقولنا
لوقت نوصل لقبورنا

قالت- ستي
لما الكلب يشوف اللحمة
مابقا يعبي عينو العجين

قالت -ستي
يلي بيفشخ أكبر من فشختو
بيوقع وبتنفك رقبتو

قالت-ستي…
حسدونا على ضحكتنا
حتى إجت الأيام وأخدوها

قالت-ستي …
ماصفي حدا صالح
معظم الناس مصالح

قالت-ستي…
ناس من لحمك ودمك باعوك
لا تلوم يلي مبارح عرفوك

قالت-ستي…
مش كل يلي بيحكي فهيم
ولا كل يلي بيسكت بهيم

قالت -ستي…
دروس الحياة مش ببلاش
دافعين تمنها من عمرنا كاش

قالت-ستي..
كله ماشي بألف وش
والقلوب مليانه غش

قالت-ستي…
الله يكفينا شر من رحب فينا وهلا
ومن ورانا حكى علينا وما خلا

قالت-ستي…
اشكي لربك ونام
ولا تشكي لبني آدم وتنهان

قالت-ستي …
الدنيا بالضيق بتورجيك
مين ببيعك ومين بيشتريك

قالت- ستي
الغربة متل الحمام العمومي … اللي برا حيموت ليدخل، والي جوا مش طايق الريحة

قالت-ستي
شيل الريحانة وشمها
وخود البنت على ريحة أمها💜