****الدنيا الواسعة****

مازن شريف ضو.

وصوف هالدني يا شاطر
من مَعينَك،هات فرجينا

عن حُلوّها ومُرّها،وشو في مساطر
واللي بتعرفُه من زادَك إغنينا

الدني عالأغلب،مابتراعي خواطر
بدَّك تخاطبها، من شَرِّك أوقينا

ولازم تفهمها،وبعلومها تسافر
بتصير تعاملها،ومُدرك قوانينا

والألزَم كُلّ من سَبقَك تشاوِر
هني قبلَكْ إجوا ومتابعينا

ومش غلط تجتهد وتناور
وتخاطبها عن علومِك،عرّفينا

تفَتِّش عليها بكلّ المحاور
تتأمّل بخالقها،وتقِلُّه إحتوينا

فيها الخيرات والغلال والجواهر
وطبيعة كريمة،بسحرها بتكفينا

وفيها النُّغَص،والحظ العاثر
وحياة شقيّة،كثير بتئذينا

الظُّلمة بمقابيلها نور باهر
الدِّني هيك،بِدعة بتكوينا

وكلّ واحد فينا،ضيف عابر
بلحظة الحقّ،الخالق بيستدعينا

وقد ما نحكي،من الآخر
العقل بيقول،مالازم تغوينا.