الفتة المطورة

‏موقع مجلة كواليس اعداد زهراء 🌹

١- أنقع ربع جيس تمر هندي+قلاص ماي نخلطهم عدل وبعدها نشخله ونصفيه نضيف عليه ٣ م ك دبس الرمان+ ٣ م ك معجون الطماط ونتركهم على جنب

٢-٢ باذنجان وسط+٢بطاط وسط انقطعهم مربعات ونقليهم

٣-بمقلى نحط ٣ملاعق زيت زيتون أنزل بصله صغير مقطعه ناعم ونحمس لين تذبل+٢ فص ثوم مفروم ناعم لين يشقر اللون أنزل البطاط والباذنجان المقلي+علبة نخي معلب نتبلهم ب قفشة شاي كمون+قفشة شاي كاري+ملح

٤-أنزل خلطة التمر الهندي على الحمسه وعلى نار هاديه لين يتشرب الخليط مع التحريك بين فترة وفترة نذوق نتأكد أنه الملح مضبوط بعدها أنزل الخلطة كاملة بماعون التقديم

فوقها الصوص عبارة عن :-
٢ روب ملكي أو عادي+٢ قفشة لبنة+٢ قفشة مايونيز إضافه من عندي+عصير ليمونه كبيره+كميه حلوه من السماق+زيت زيتون+ملح

فوق الصوص نحط بقدونس مقطع+شرايح خبز محمص أو مقلي+رمان ورشة سماق

اذكرو الله يذكركم ويقضي حوائجكم
بالعافية عليكم