دجاج أفغاني بالبرتقال 🥘

‏موقع مجلة كواليس اعداد زهراء 🌹 

المقادير :
نص دجاجة مقطعة
٣ بطاطسات صغيرة مقطعة انصاف
بصلة مفرومة
فص ثوم مهروس
زنجبيل مبشور
نص ملعقة صلصة طماط
نص كاس عصير برتقال
بشر نص برتقالة
عصير ليمونة
كاس موية
البهارات : ملح – كركم – كمون – كزبرة ناشفة – بابريكا – بهارات مشكلة – فلفل اسود – زعفران
نص مكعب ماجي
ملعقة كبيرة موية كادي او موية ورد مذوب فيها زعفران

الطريقة :
نفرك الدجاج بنص كمية البهارات بعدين نقليه في شوي زيت لما يتحمر تحمير بسيط ونشيله ، بعدين نقلي البطاطس في نفس الزيت لما ياخذ لون بسيط ونشيله ونتركه على جمب .. في قلاية نحمس البصل واذا ذبل نحط الثوم والزنجبيل ، وبعدهم الماجي والبهارات وصلصة الطماط ، بعدين نصب عصير البرتقال والليمون وبشر البرتقال والزعفران وآخر شي الموية ، ونتركه يطبخ شوي ونطفي عليه .. في صينية الفرن نحط شوي من الصوص بعدين نصف فوقه الدجاج والبطاطس ونصب فوقهم باقي الصوص ونغلف الصينية بقصدير وندخلها للفرن من ٤٥ دقيقة الى ساعة ( حسب كمية الدجاج وحرارة الفرن ) بعدين نشيل القصدير ونحمرها شوي من فوق ✨
.. 😋 جربوها لذيذة مرررره ”

بالعافية عليكم