بلدنا بالليرة اللبنانية،مش بالدولار الأميركي!!!!

حبيت ضوّي عاموضوع عملة بلدي لبنان لي الكل مستهتر فيه، ومش عاملو قيمة؛ لا بوطنيتو ولا بشعبو ولا بحكامو للأسف كيف بدن  يعملو قيمة لليرتو،!.
يا ناس….يا بشر….كل البلدان بتتعامل بعملتها حسب بلدا، وبتفرض عاكل الناس إستعمال العملة الوطنية ،حتى على الأجانب وغيرن!..
إلّا عنّا، بالبنان ، لي كل عمرو  بينرفع راسو  بعملتو الليرة،وكيف تكون مطبوعة بأرزتها اللبنانية!!..
وكانت عملة  سهلة غنية محترمة وأجانب تركوا أثر مِنّا…وصارت تنباع كتذكار موجودة بكل بيت أجنبي
وغيرا من التحف المحفورة عليها الليرة اللبنانية وأرزتا.
شو لواحد بدّو يحكي، غير إنّو منتأسف على هيك حكام بدّن يكونوا عُملا  للسفارات ويرضخوا لأمرن ويسرقوا منّا جنا عمرنا وحياتنا حتى الهوا لعمنتنفسوا أخدوا….
كل المطلوب هوّي  ما نرضخلن ونتكمّش بليرتنا وما نسمح إنّو نستعمل غير عملة، إلّا عملتنا الوطنية،
بكفّي مسخرة وقلّة إحترام  للوطن المسكين  يلّي عم ينطعن من كل الميلات.
صرختي هيي إن الشعب يرفض وخاصة التّجار لمش هاممن غير نفسن وبسعروا  على العملات الأجنبية أي(الدولار) وبينهبوا  شعبن لهوي منن وفين.
انتفض يا شعب  لبنان، وأحمي ليرتك  مش دولارك.
يا شعب لبنان بكفّي رضوخ واستهتار بعملتك وتكون لعبة لرئيس مش رئيسك،! ليرتي هيي هويتي .
كل بيت، كل محل، كل متجر ،كل لبنان لازم يرفض العملة الأجنبية ويظهر  عملتنا لي هيي ما بتموت لو خلصت الدّني…
الليرة اللبنانية المطبوعة  من عهود قديمة وأجيال  قديمة ليش بدنا نفرّط فيا وما نظهرا قدّام الكل ّ!!
من شو مستحيين؟؟
من مين خايفين؟؟
هيدا بلدتكن،جبلكن،حضارتكن!!!!
ليش عم بتبيعوا وتحرقوا؟؟
لبنان لازم ترجع ليرتو، ونقوى فيها، ونرّجع قيمتها للأحلى،مش كل حاكم بمصرف لبنان  بيتحكم بالليرة وبتكون بسعر وبتصير  بسعر تاني!!!!
هيدا إجرام وبيع نفسنا لغير بلد مين ما كان يكون.. .
بتكون بتسعيرا ببيعوك  بتسعيرا تانية….بكفّي ليرتنا مش سلعة عند حدا…هيدا بلدي وحقّي دافع عن ليرتي حتى أسترجعها لمكانتها واحتراما وقيمتها….
الليرة اللبنانية ما لازم تساوي لا دولار ولا فرنك مقدوح ولا أي عملة تانية….
متل صغير: بعض البلدان بتفرض الضرايب على كل شخص بيستلم أي عملة غير عملة بلده وبتقوم بتسكير محله أو أي مهنة هوي فيها…
وكتير من البلدان لي بتستعمل هيدا الأسلوب،إلا بالبنان مزرعة حرامية و قطيع راضخة للأمر الواقع وممنوع تفتح تمّك وتعطي رأيك أو حتى تدافع عن حالك.
يا شعبي الكريم ،الغاشي،النايم، بعتذر على هيدي الصفات بس الموضوع ما بقى يتحمل لا بالطول ولا بالعرض بكفّي غشوة وارضاخ…استنفروا قوموا حافظوا على بلدكن على ليرتكن على ولادكن لعم نخسرن واحد واحد بالمقابل عميتبهدلوا بغير دول متل ما عبتبهدلونا ببلدنا..
يا ولاد البلد تمسكوا بترابكن مش باقيلنا غيره…مش تكون اغاني وكلمات مطبوعة على وراق وتصير منسيّي..بكفّي أجيال عمتولد للتطور والحفاظ على تراث أجدادها ليه بدنا نخرّبوا ونقدملن تاريخ بشع وما  بينرفع الرأس فيه؟؟؟؟
حرقة قلب من كل بيت عمبكتبها وآمل يجي  هيدا النهار وشوفو  واعتّز بوطنيتو و بعملتي و بحياتي بوطني لبنان. .
ليرتي هيي هويتي وشخصيتي  مملكتي وكرامتي…
اصرخوا، عبروا، حكوا معي تنوّدي الرسالة ونوّقف هالمسخرة  ونِطلع من هالجورة اللّي حفرولنا ياها وطمّونا فيها…
بيرجع يعمر لبنان الأخضر  وولادنا يستقروا فيه  وما يهاجروا ويتبهدلوا وينذلّوا
هون بتقوى أرزتنا بليرتنا ومنّرجع كرامتنا لفشر حدا  ياخدها منّا وبكفّي نكون،”أخرس، أطرش، أعمى”.
نحنا لبنانية قوتنا؛بكلماتنا، وسمعنا، ونظرنا
وما منسمح لأي خسارة،وبطلب من قلبي إنّو ربنا ينجينا من الشياطين لمحوطين بلدي الحبيب لبنان ويرجعوا لبنان الأخضر،الحضارة
ومنقوا إيد بإيد ليرتنا  بألف خير وغير هيك ما رح يكون إلنا ليرة….