💫نهدة عمتركض حفا 💫

✍بقلم الشاعرة سينتيا سماحة

ع شبّاكي
البرد والشّوق
التقوا:
تيخطفوا قلب عمبدق.
غاروا،استحوا
صوّبوا اتهامن
ع حبّ صادق موجوع من الهوى.
هوى!!!! بعيد عن أنظارن،
وجمدت كلمات
ع نقط المطر صوبو  وجّهتا،
حنين ما بعمرو عرفا
واشواق نزلت مع نهدة عمتركض حفا…
غيّر الزّمان، وبدّل البرد بدفا.
واشتبك الهوا بهواه
ورعدت الدّني
ألوان العشق ع شفاف
مرسومة بخط القدر.
قدر لمس هواه بنظرة عين
وأنا قلبي بيحكي
شمال، يمين .
ولا كلمة ولا همسة
ولا لغيرك في أحساس…
ورح قولها ادّأم عينيك؛
حبيبي أنا واحساسي ملك عينيك.