نائل البرغوثي… حرية الكرامة

 

ذ. حسن عليّ شرارة

الإسرائيلي: أنا حابسك جوّات هالسّجن
الفلسطيني: وأنا حابسك برّاتو!!
الأسير نائل البرغوثي من قرية كوبر شمال رام الله عاش في زنزانة وحيدًا 6 سنوات، وظلّ معه نفس الحرام اللي بِتغطى فيه 15 سنة، ورافقه ألبوم صور 25 سنة، وبكرج قهوة 17 سنة.
نائل البرغوثي، عاش بـ 80 زنزانة ما بينشاف منها الضوّ، وأكثر من 32 سنة من عُمره ما مشى فيهم تحت القمر والنجوم، وبِشوف الشمس مقطّعة من ورا الشَبَك.
نائل البرغوثي، 41 سنة ما أكل لحمة طازة، ما مَسَك حبّة جوافة، ولا حَمَل وردة، ولا لَمَس إيد طفل صغير، ولا شرب شاي بميرميّة خضرا، ولا أكل مسخّن أو قراص زعتر.
نائل البرغوثي، 41 سنة وهو بِداوي اللي بِمرض، وبِخفف عن المهموم، وبِواسي اللي بِتعب، وبِسْنِد اللي بميل، وبِستقبل أسير وبِودّع أسير.
نائل البرغوثي، 41 سنة وهو يقول السنة الجاي بَروّح وببوس إيد امّي وبَسلّم عليها؛ توفّت الأمّ، توفّى الأبّ، توفّى الخال، توفّى العمّ، انحبس الأخ وتوفى ، استشهد ابن أخوه، والثاني نفّذ عملية وانحكم مؤبد.
في سجن إيشل في بير السبع أشار نائل البرغوثي على الباب وقال: “شهدتُ تغيير هذا الباب مرتين خلال اعتقالي، وكان السبب هو تلف الحديد، ولكن معنوياتنا لم تتلف.”
نائل البرغوثي، أقدم أسير سياسي بالعالم، قضى41 عام من العذاب والوجع والقهر والحرمان في سجون الاحتلال ولا زال.
يا اللي بيربط الأسد ع باب بيتو
هوّه ويّاه بينامو برّا البيت
والهوا الفالت ما بيطلعلو مع الشَّعر المربوط!!

صباحكم حريّة وعزّة..
ذ. حسن عليّ شرارة

شاهد أيضاً

اقامة ” المرحلة الثانية من دورة أعداد كوادر متخصصة لتعزيز التفتيش تطوعا””، بمبادرة من جمعية “الإرشاد القانوني والاجتماعي ” في بيروت

الزيات :” التعاون مستمر مع وزارة العمل لأعداد كوادر متخصصة لتعزيز التفتيش تطوعا” أقيم في …

اترك تعليقاً

لن يتم نشر عنوان بريدك الإلكتروني.

أعلان إيجارات واستثمارات

اعلان

أعلانات

اعلان