شفاف خمريّة

د.وجدي صادق

يا رَيْت بقدر رجعك ليّي
وحطك علامة بين عينيّي
وكلما تطلّي يقشعِك نيسان
ويذوب بالعينيّن حنيّي
هونيك مطرح ما أنا عشقان
تحت العيون بينزل شويّي
عا خدود مجبولين بالريحان
سبحان هالصورة الطبيعيّة
ومن بعد ما عَـ خدك الفتان
ترتاح نسماتو الربيعيّة
يكزدر مع النسمة شبه سكران
يوصل عَـ وهج شفاف خمريّة
بس القدر أقوى من الأنسان
وغدر الزمن حط الحزن فيّي
وعالموت بتمنى حدا من الجان
ياخد حياتي متل ما هيّي
ولا عيش من دونك مع الأحزان
ولا ضل أبكي العمر ليليّة
ويا ريت فيي كون شي فنجان
وكل يوم فوق شفافك الحلويّن
اعمل أنا والفجر صبحية.