بتمنالكن سنة جديدة مليئة ب ( الحمدالله عائلتي وصحتي بخير)

ريف سليمان

كل سنة بتمرق بتاكدلنا انه اهم نعمتين بالحياة: الصحة والستر .
لكل حدا فقد شخص عزيز بالحرب بقلو ربك اختاره شهيد واللي عند الله ارحم من اللي عند عبده، و انشالله بتكون خاتمة احزانكم.
لكل حدا انظلم هل سنة بقله ربك موجود اربط طمأنينتك فيه مش بالناس لأنه الناس معظمهم غير ثابتين ولكن الله ثابت ما بيخذل
لكل حدا مش مبسوط و مهموم بقله انه ما في شي محرز بهل دني وعم يروحوا من صحتك وحياتك و ايامك معدودة رميها ع الله لانه لا يكلف نفسا الا وسعها و اللي جاي عطول أحلى طالما النية صافية و النفس اللوامة موجودة و جبر الخواطر اساس تصرفاتكم و الثبات و الاصول و الاخلاق من صفاتكم …
الاتكال ع رب العالمين هو سر من أسرار الكون، انه يكون عندك إيمان مطلق بعدله حتى لو اجتمعوا عليك كل الخلق …
لكل إنسان بتابع بوستاتي كل يوم الصبح بقله شكرا لمتابعتك و تقديرك لمنشوراتي اللي هيي بتشبهني و شكرا لكل رسائلكم الحلوة اللي بتوصلني …
المواقف بتغربل والعتب ع قد المحبة واللي بحبك بواجهك واللي بيعمل مجهود اله أولوية و اللي بيحمل همنا منعطي عيونا وولاد الأصل منحطن عل راس و اللي ما بيحكم علينا من شو بيسمع من الناس بل شو بشوف منا بيشترينا كل العمر والكلمة الحلوة شو حلوة …
ميلاد مجيد و الله لا يفرق اي فرد من عائلة واحدة عن بعضها و يجمعنا بمحبينا عطول بالخير و بولاد الحلال اللي من طينتنا و من نفس مستوانا العاطفي والانساني و يبعد عنا ولاد الحرام ويثبت علينا نعمة العقل و إيمانا بكتاب الله 💞