على صوت ببور الكاز🔥

موقع كواليس اعداد زهراء 🌹

….. هالخبرية مش للكل، ومش لمين ما كان. هالخبرية بس للي بيعرف يدور ببور الكاز…. للي بيعرف شو يعني ” شمبر” او شو يعني. “التنفيسة”، او ابرة الببور. للي خبير بالتوليع وما يخللي الببور يشحبر ..

ببور الكاز قصة كبيرة 👌
ببور الكاز هوي بيت ستي وبيت إمي وعماتي وخالتي….
ببور الكاز ريس الطبخ والنفخ، والمحاشي والفوارغ…. 😋
ببور الكاز هوي إمي _ رحمها الله _ وهيي حايصة لأن ابرة الببور انكسرت وما عندها غيرها… او ناطرة تسمع زمور طنبر الكاز لتبعتني عبي بليرتين كاز.
ببور الكاز…. صوت غريب ما فيك توصفه بالكلام، جرب ان فيك.
صوت الببور كان يدرس عليه تلاميذ الشهادات الرسمية وطلاب الجامعات ايام الامتحانات. طبيعي مش الكل…. بس اللي بيعرف شو يعني صوت الببور.
وبالنهاية…. اللي بعدو ببور اهلها موجود…. ما تفرط فيه…. يمكن ينعاز.👌🤭