غادة غانم تقدم موال “يبعتلك” بكلمات كتبت من خمسين سنة

إليكم جديد غادة غانم “يبعتلك” يللي عم تقدّمه مع مجموعة فنانين على الآلات الموسيقية وخلف الكاميرا..عفوا كاميرا الهاتف للدقّة كما يقول الفيديو

موال:
يا مفكّرين الغش إيامه طوال
وعم ترشقونا بالسهام الجارحة،
وَيَا مجمِّعين من دمنا المسكوب مال
وعيونكم صوب الخيانة سارحة،
ما عاد عنّا ع المصائب إحتمال
ومنّا سمعوا جملة كلام مصارحة:
“ولاد الحقيقة ترعرعوا وصاروا رجال
واليوم صفّى غير يوم مبارحة”

عَم تَقِّل بلكي يا رب
أطلب منّك هالقَدّي
وسواسي ع راسي شَدّ
هالمرّة أنا جَدّي
هيدا ال نهب
هيدا ال سرق
هيدا الأكل رزق الناس
بعتلُه حدا يعطس حدّو يا ربّي

هيدا ال عامل حاله بيفهم
وبَدّو فَتِّشلو ع حلول
طرق الجبل وطرق الغلّة
وقاعد بيرَكِّبلي ديون
بعتلُه حدا يعطس حدّو يا ربّي

هيدا الـ هجّر
هيدا الـ خلّى
تصير بعاد ولاد الناس
بعتلُه حدا يعطس حدّو يا ربّي

ما بقى بدنا نكتّر خَيرُه
ما بقى بدنا حتى خَيرُه
وما بقى نحكي عنه شاطر
هيدا بايع أهلُه وناسه
بعتلُه حدا يعطس حدّو يا ربّي

غادة غانم تغنّي أغنية يبعتلك … دُعاء من ألحانها في زمن الكورونا وكردّة فعل للأوضاع الرديئة التي يمرّ فيها البلد وللإضاءة على مستوى المسؤولين الغير مسؤولين… يرافقها على القانون دافيد بو عتمة، وعلى الكمنجة بشار إدريس وعلى الإيقاعات زاد خليفة. الكل سجّل ع تلفونه ومن بيته. إيليا حداد هندس الصوت النهائي وفرح شيّا صوّرت ومنتجت الفيلم. الموّال من تأليف الشاعر شحادة عبّود في خمسينات القرن العشرين. كتابة الأغنية نصّوها مواطنون عم يشتغلوا حتي يصير لبنان دولة مدنية
وأخيراّ اللوحة والتّكّاية اللي كانوا عم بيشاركوا بالحديث هنّي من أعمال الفنانة الصديقة مي حمدان