.. وبنسرق الحلم

بقلم: زيزي ضاهر

معقول حتى الحلم بقلوبنا يروح لا مطرح لي ما بيوصل حدا

وقلي ولفي …

مشي معي
قبل ما يتسكر شباك اﻷحﻻم
نسرق الحب من عيون الزمان
وب للي بقي من العمر نبني قصر ومملكة
قومي نحاصر جيوش الظلم
وبعتمة اﻷحﻻم بلكي منلتقي
مشي معي عبلاد فيها الحب ما بينام
نسرق مواعيد الجان وفيها نختفي ونّام
تعي اﻷحﻻم عم تنباع بكلمة وعد
ظلي معي وبعيوني بخبيكي
مشي معي
قبل ما ينسرق منا زمان الحب
وتهرب بعيد سنين الولدنة
ويغيب عنا الوعد بجنون الحكي ويختفي
مشي معي
قبل ما يهرب خريف العمر منك ومني
بقلك والعمر مشتاق ليكي بأوله
شو حلمت فيكي ترجعي يا سنين لي ما بتتعبي
وشو حلمي سرقني ليكي وكتبني بمدمعه
ناطر مرسال الهوى تا يردك إلي
يا مضيعة درب الهوى مني لا تهربي
بالقلب مكتوب حلمك وحلمي
يمكن طول وغاب سنين مرسالي
بس بآخر المشوار بيوصل مكتوبي
مش مهم يختفي مع سرار العمر حلمك وحلمي
المهم يبقى وعدك الي محفور ع مراية الأحلام بأوله
وتغزلك نجمة الصبح إنك مش وهم هربان بمراية مهجورة
ولا غيم بيمرق عا الهدى لحاله من دون شتي
مشي معي
رح وشوش ليلي الحيران فيكي
وخلي الحلم كلمة وعد ناطرة بينك وبيني
شو بقلك يا ريحة المطر ببلاد الربيع
انت وانا بها الدني زوار وعمرك وعمري مشوار بعدو بأوله
بغزلك من النجمات تاج ومملكة
حتى تهتدي عا طريق الحلم وما تختفي
يا رفيقة الأيام مش هلوسة بريشة رسام حبك إلي
وﻻ حلم سافر مكان بعيد تا يحبك بعد
انت صلاتي بمعبد خلقتي بس تا تكوني الي
وبآخر الأحلام رح قلك مشي معي
وسكري من بعدنا بواب الحكي
نامي بقلبي وجوات عيوني بغفيكي
وقبل ما يختفي لي باقي
من الأحلام
مشي معي
وبعيون الحلم بهتدي فيك وتهتدي
Zizi daher