الشاعر سليمان جمعة 🇱🇧
البيْ
رحلة بيت وعمر وغياب
يساهر الحور
وساقية
ربتها
والبلان وتبكي زهرتها
وبحات قصب ..
وتراب
يساهر مصاطب
غافي ع صعقتها حكايا
صحاب.
البي
سهرة حول موقدة
ترمد فيها الوقت …
وعيون تدمع ع ذكرى الاحباب.
يا بيي
يا الغافي ع كتف البال
والآه الموجوعا
يا فية العين..
يللي وقعت ع فية دموعا.
وادردر ع سكوتي من سقف كفك
غبرة صوتك
وعيت اني شميت
غفوتك
سمألتك عن رحلتك
البعيدة ..
وما توعا..
سألتك
وانغلق ع عيني الجواب