صوتك حر يا حوا

بقلم الكاتبة ريف سليمان

قبل بكتير مرات حكيت عن معاناة اللبنانيين و عليت الصرخة و كتبت انه لعل و عسى يوصل صوتي…
لقيت من بعدا انه كتير كتار غيري عم يعمله نفس الشي بس بطرق مختلفة و لكن كل هل طرق لم تجدي نفعا ليش؟
رح قلكن ليش لانه نحنا ما فينا نكون شيغيفارا و لا غاندي و لا عنا رجل سياسي شريف متل المصري جمال عبد الناصر و و متل الاوروغواي خوسيه موريكا ولا منآمن بقدرات الامراة و منعطيها تلعب دور متل ميركل ولا عنا رجل عظيم وطني عنده انتماء لبلده و حب كبير متل حاكم دبي محمد بن راشد آل مكتوم و أبو ظبي الخليفة بن زايد آل نهيان ولا عنا مفكر جريئ غير مسيس متل علي شريعتي ولا كاتب حر متل غسان كنفاني … ولا رئيس ياخد قرارات حتمية متل ابراهام لينكولن اللي مضى مرسوم حرر العبيد باميركا…
و اذا فيه ساكتين …و اذا حكيو قتلوهم …و اذا ماتو غيرهم بيسكتو وبخافو …
ليش؟ لانه نحنا شعب منحب الحياة شعب كييف ما بدنا نموت بس منجاهد كرمال نطلع عل جنة لأنه الأرض مش محرزة 😊

كل هيدا ما بهمني …
انا (ريف سليمان) لطالما بنادي المرأة التي تمثل أكثر من نصف المجتمع و اللي لليوم نايمة مفتكرا انه دورها يقتصر على الطبخ و ترباية ولادا و شبه خاضعة مش عارفي قدرتها على التأثير و محطوطا ب كادر مش عم تحاول تطلع منه!
طبعا مش عم عمم بس يا سيدتي اذا رح تكملي هيك احذري عم تربي عبيد و المقصود مستعبد مستسلمين خاضعين …جيل نايم مخدر ضايع هارب من الوعي بغييوبة عايش بلا وعي..حرام
ليش ما فيكي تكوني نادية مراد العراقية او توكل كرمان اليمنية او الين جونسون سيرليف او ليما غابوي شو ناقصك! انت بتعرفي شو عملو؟ ليش هني قدرو ياخدو جايزة نوبل للسلام و انت لاء؟ ومتل مايا انجلو و غيرها شو ناقصك علم او فهم او ثقة بنفسك؟ بالعكس نحنا بلبنان عنا حرية التعبير اكثر و انفتاح أكثر ولكن بس ناقصنا العزيمة و الإصرار …
ناقصنا كتير من موزين كوكالاري الكاتبة الالبانية و من المصرية الثائرة نوال السعداوي …
ناقصنا انه الاهل يآمنو ببناتهم و يدعوهم و انه يعمله update لل settings تبع مخهم لأنه كل وقت و اله أذانه🙏
متل ما شاطرين تكونو influencer بالموضة و المكياج و السفر و تفتحه صفحات مع كل احترامي و برافو و لكن يا ريت تركّو شوي على مستقبل الجيل الجاي و تعطو مواعظ عن كيفية تكوني امراة قوية و ام مؤثرة كيف انه مش عيب تكتبي و تقراي و تطالبي بحقوق ولادك و مستقبلهم كيف انه انت تستطيعين تغيير الحال و الوضع …انت لست بنصف عقل لا بل انت الأم و الممرضة و القارئة و المربية و المؤثرة و الأخت و الحضن..
ناقصنا نساء تجرؤ…الجراة و الثورة مش للرجل فقط بل للشريف اللي عنده عزة نفس وكرامة
كوني امراة خطرة كوني القوة كوني النمرة…انتفضي ثوري…انت بتقدري تبدعي و تضهري من الاطار اللي انرسملك و علقتي فيه …خلي صوتك حر يا حوا❤