ياغيوم زيحي

ابن الجبل شوكت حاطوم

يا غيوم زيحي تا شوف القمر
غير معو ما بيحلالي السهر
مين قال الغزل والحب عيبي
وعا الجمال مين بيغض النظر
قالو عيب مش شايف الشيبي
جاوبت معقول منّي من البشر
حبيبي راح ومطول الغيبي
وباعث الي البوم الصور
مريض وكان قلّي طبيبي
الدوا مش كافي وبالمختصر
لازمك كاس بتخف المصيبي
ملعون الحكيم دق عل الوتر
سافر وانت عمتدفع ضريبي
من وين بجيب وغالي الدولر
دخلك يارب عملك عجيبي
ورجع الغاب طوّل بالسفر
ولمن شافني بحالي غريبي
وما بينفع طبيب ولا طبيبي
قلي ما الك الا حل واحد
خليك سهران بتناجي القمر