غاب القمر

غاب القمر وبعدني سهران
عاسريري كنت ملقح وقلقان
وطلع الضو وزقزق العصفور
عاشباكي غرد باعذب الالحان
قمت رشيت الارض بخور
وصليت لحتى اُطرد الشيطان
ديي بترجف والجسم محرور
وطفح جلدي عا خدي بان
الماضي مليان الم وشرور
نص العمر عايشو يأسان
مسكين فقير بيشتغل ناطور
راضي بعيشتو ساكت وقنعان
والغني عندو فلل وقصور
وقلبو اقسى من حجر صوان
وناس دايخه بتبرم وبتدور
عا رغيف الخبز وين ما كان
يارب بدنا شي بصيصة نور
احترقنا ومنّا طالع الدخان
الغني عايش بهنا وسرور
وناسي الأنجيل والقرأٓن
عاجهنم معو دفتر مرور
حاسس بالذنب ومش ندمان
والكان مثل العبد مأمور
حامل قلب مفعم بالحنان
ما بتعقصو نحلي ولا دبور
عالجنه بدو يوصل وهونيك
بيحس حالو صار بامان