ميني تارت🍒🥝🥭🍇🍓🍓🍓😋😋

المقادير:

٣ كوب دقيق
كوب زبدة باردة
٢صفار بيض
٢كيس فانليا
رشة ملح
نصف كوب سكر بودرة منخول

الكريم باتسيير :
٢ بيضة
نصف لتر حليب
نصف كوب سكر
ربع كوب نشا
٢ كيس فانيليا

طريقة التارت: في الكبة تحطي الدقيق والزبدة والزبدة لازم تكون ساقعة تضربيها ضربة خفيف وتحطي السكر البودرة المنخول تضربي ضربة خفيفة وتحطي البيض والفانيليا ورشة الملح وتضربي وتحطي ربع كوب ماء ساقع تلم العجين وتوقفي ضرب ومتضربيهاش كتير لان كتر الضرب بينشف عجين التارت اول ما تلم تطلعيها تلميها بايديك وتلفيها باسترتش وتحطيها ترتاح نصف ساعة في الثلاجة وتطلعيها تفرديها في قوالب الميني تارت. وتخرميها بالشوكة وتدخليها الفرن علي درجة حرارة١٨٠ لحد ما ياخد لون دهبي او لمدة ٢٥ دقيقة وتطلعيه تهدي خالص وتحطي الكريم باتيسيير وتزينيها بفواكه اي نوع تحبيه وبالهنا والشفا..

طريقة الكريم باتيسيير:
بتحطي اللبن علي النار يدفي وفي بولة برة بتحطي البيض والسكر تضربيهم كويس لحد ما يبقي لونهم كريمي شويا ومعاهم الفانليا وبعد كدة حطي النشا معاهم تختلط كويس بيهم وخدي كبشة من اللبن الدافي اللي علي النار حطيها علي الخليط وقلبيهم كويس وحطيهم كلهم في باقي اللبن اللي علي النار وافضلي قلبي لحد ما يتقل واقفلي عليه وحطيه في بولة وغطيه بكيس الكيس يبقي لامس الكريم باتيسيير علشان ميعملش قشرة يهدي وزييني بيه وتحطي اي نوع فواكه بتحبيه وبالهنا والشفا…