ملعون الحب

بقلم الكاتبة إيمان نجار

‏عن الحب وأوجاعه خليني أحكي،،،
‏لاتشيل هم نشف الدمع مارح أبكي،،،،
‏بس بدي طلع شي من جواتي،،،
‏بدي فضفض بدي عبر بدي أصرخ بدي الكل يسمع حكياتي،،،،
‏بقول أنه بغار ،،،،وبتشعل بقلبه النار،،،وإني إله ساكني بقلبه ملك مني أجار،،،،
‏مابيقدر يعيش بدوني ،،،،بضيع وبجن إذا بغيب ،،،،
‏بس عادي يشوف الدمع بعيوني،،،،
‏ممنوع عاتبه وأحكي بكل شي زعجني منه،،،
‏ييزعل إذا بلومه على موقف صار،،،،،
‏وبيعتبر غيرتي مرض أو  بشبهني بالولاد لصغار،،،
‏عادي هو  يحبني بأنانيه،،،
‏مفكر هيدا الصح ليحافظ عليي،،،،
‏أسلوبه عصبيه بعصبيه،،،،
‏ويلي بيقهرني وبعز عليي،،،،
‏بقول عني نرجسيه،،،،بشوف كل عيوبي ولامرة شاف الحلو فيي،،،، ماعرف يقرا الحب بعينيي ،،،،
‏ماعرف أن بس بدي يحتويني وبحضنه يخبيني،،،،،
‏ماقدرت أقنعه أن الحب مابيمشي بمزاجيه،،،،
‏الحب بس بدو عطاء وصدق وثقه ورشة كبيرة من الحنية،،،،
‏الحب مابدو صوت عالي،،،،الحب مابيكمل بأغاني  ،،،،
‏الحب منه كلام مكتوب بحبر على ورق،،،،،
‏الحب للي بكلامه وعد وصدق ،،،،،
‏مين قال إذا حبيتك وتعلقت فيك ،،،،يعني بتقدر تجرحني  ،،،وعن كل شي تمنعني،،،،وأن فيك تتحكم فيني ،،،،وقت مابدك تبكيني،،،وعلى ذوقك تمشيني ،،،
‏مين قال إذا حبيتك وتعلقت فيك،،،
‏يعني فيك تخون ،،،،وتحول الحب الطاهر لحب ملعون،،،،
‏وأن لازم سامحك وأضحك بوجك وزقف لك ،،،
‏لأن بس بحبك ،،،واجب عليي أرضخ لأوامرك وأمشي على مزاجك ،،،
‏برأيك مارح أزهق وأتعب منك؟مارح أقدر أنساك وأتركك؟
‏لك ملعون الحب يلي فيه سم،،،يلي بوجع القلب وبجيب له القهر والهم،،،،،
‏ملعون كل يلي مثّل الحب ولعب بمشاعر غيره،،،،
‏ملعون يلي ماخاف الله وكسر قلب لحبه،،،
‏ملعون يلي شوّه الحب وإسمه.