💐 تضحية 💐

نضال عيسى

غلطان لما كنت أفديكي
وأحتار شو بعمل تأرضيكي
يا حاملة عينين من صوان فيهن حلا وأحساس ما فيكي
يا حاملة الوجدان بالجزدان ما ضل عندي أسم سميكي
مجبور سميكي بلا وجدان
حرقتي مظلة قلب تحميكي
قلبك حجر مشغول بالوديان
نايم عا فرشة شوك تكويكي
بكرا عليكي بيزحف الطوفان
بطمك وبالأرض بيخفيكي
يا ما سبقت النحل عالقفران
لجيب منو شهد حليكي
وياما سبقت الفجر عالدكان
لأشتري وبالدين طعميكي
وياما سبقت لباعني الفستان
لسد حقو وضل غطيكي
ما عاد بدي عيد كان وكان
وما بملك السلطة لربيكي
بكرا بربيكي شهر حرمان
بدموع وندم وافكار تعميكي
روحي تركيني عاتب الأغصان
وكل ما مرق عصفور أشكيكي
روحي ما عندك روح والانسان
تأنسن بغيرك حسك ركيكة
أخر ما فيي بختمك أنعام
لما تموتي ويوم أبكيكي
أعمل متل ما بيعملوا الخوتان
بوقف عاباب القبر نص نهار
من ميل جن وميل أرثيكي