ابلع الغصة

بقلم منيرة أحمد
نفحات القلم سورية

مو دمع ليش السؤال
مو حزن ليش الملام
شوية قطر نزلو من عيوني
وما في كلام
بتخنقك دمعة
ولو بتدوب شمعة
ما لك مكان
ما سامعك ولا حاسس فيك حدا
ابلع الجرح
زيد عليه من الملح
وبسمتك عا وجك
تفتح بواب الفرح للكل
ومو هم أنت يقتلك جرحك
ابلع الغصة. وخبي جواتك القصة
يا نهر من دمع
لو شي يوم سألوك
قلن دموع الشتي
عيني بتهرب من برد كانون
بكم حبة تغسل فيهن وجه التعب
تمسح عتم
تكتم قهر
يا ااااااه سكري بوابك
اوعى الريح تقتلع آخر
خيوط الصبح
بايدك نهاية ومعك تبدا الحكاية
باقي تكتبي العنوان
بكلمة بسطر
ولا تنسي
الخاتمة بسمة متل الوداع
متل اللقاء
مثل حلم صيف وغاب