💗💐💗 يوميات مواطن ومرتو💐💗💐💗

✍️ نانسي الابرش

لا تنسى لغرااااض..
يا عمي سمعنااا لنشتغل بحقن
اااخ جبتلي الامراض
لك من نقك ايامي عبعدن
بكفي جيت ورده وصرت عندك خيط
لك إذا ما عاجبك تركي لبيت
روح تيسر وريحني
بكون احسن هلمرا حتجنني
لك رحميني بكفي هم الحياة حاسس حالي متل الاموات
كل نهاري شغل ونحت
وانتي ساعة لبدك بتنطي علتخت
لك اللقمه مش بلساهل عبتنجاب
كل نهار بنط متل السنجاب لك حسي بهلعذاب والله يا حرمه قلبي داب….
لك يا رجال متلك متايل
غيرك كان سكت وعمل العمايل
ليرضي مرتو وانا هلق حااامل
….يا عيني الخامس علطريق
وللسند لا في اخ ولا صديق
ويا دوب عبلحق لباقي الفريق
لك رحميني بوقت الضيق….
لقمتنا جبناها بلزور
لك الفران صارت الوقفه عندو بلدور
لك المعاش لا دام ولا عاش
بريحك وبزت حالي من عاشر دور
لك يا مرا صرنا بوقت منبوذ
لا تلوميني إذا ضارب بوز
اااخ لك والله الدني حظوظ
لك حتى اسيادنا ما خلو علينا الرحمة تجوز …
اي شو بدك يعني
ارقص وغني
مشان الله روح وحل عني
وما تنسى اللحمة والكوسا
ومشتهية قطايف وسمبوسه
وعصاير جبلي وتفاح
بلاهن العتبة ما تدوسا
رايح ويمكن ما ارجع
صوتك ما بدي اسمع
يا صبر ايوب وموسى
الحالة تعبانة وهموم
الشعب علفاضي بقوم
ولما الصرخه تعلا كتير
القاضي بقلك محكوم
بدنا نعيش بكرامة
ساكت وفوق سكوتي كمامة
الهم مخرب قلب الدار
هجت حتى الحمامة
كل شوي انفجار واعلى واعلى يا دولار
الحاكم سرق العملة وفل
وعلوطن يلا السلامه…..

💗💐💗💐💗💐💗